Planinarske regule

GojzericeGOJZERICE

Pazi dobro kaj buš na noge del,

da ne bi cipele za špancir zel!

Ili da bi morti loše bile

kaj bi na kiši premočile!

Gojzerice su najvažnije,

to moraš znati

a ne da ti v šumi

otpadneju poplati!

 

7G9IY9

 ČE IDEŠ SAM

Pazi, ideš v šumu a ne na pijaču v klet

pa je dobro kompas i kartu zet!

Lahko je po markiranoj stazi,

al rečimo, nek se kakov vrganj spazi

i ti se lepo v berbu zadubiš

pak se taj čas v šumi zgubiš!

I još nekaj – lampu v ruksak

jer nebu ti bolega leka

ak te v šumi kmica dočeka!

Najbolše je ipak zajti van

malo predi – dok je dan!

                     .


No44aYKAJ SAM TREBAŠ ZNATI

Naj svoju snagu preceniti,

mislit da moreš na saki vrh iti!

Te stvari moraš razmeti sam,

ak nisi za sajlu nek te nebu sram!

Morti nemaš za led opremu pravu,

zapamti – planinariš za zdravlje

a ne za slavu pak si lepo čuvaj glavu!

Šeći se okolo, v prirodi uživaj

dok ovi kaj moreju dojdu nazaj!

Zaprav, znaš kolko moreš

i više se od toga ne sili,

da je penjanje samo tak

već bi si na Himalaji bili!

                .

.

PRI PLANINARSKOM STOLU9jabxZ

( pod to se razme stol v domu, panj, kamen i slično)

Naj rakiju iza dreva piti po skrivečki,

tu još ima dosti puci i dečki!

Če imaš špek, ocvarke ili kaj god,

lepo to nek pred svima na stolu bude,

ponudi oko sebe se te dobre ljude!

Jer na priliku, morti gdo ima orehnjače

a ti bi za nju prodal i gače!

Na stolu – to ti je se naše,

zeme si saki kaj mu paše!

 .

.

7qQzYyZA LEPO SE PONAŠATI V PRIRODI

I na bregu i v dolu, na ledini, pri potoku,

se kaj je lepo nek ti ostane v oku!

Kad si v prirodi – znaš di si,

ne beri cveće jer ga sadil nisi!

Pazi da ti gojzerica na rožu ne stane,

naj z drveća trgati grane!

Naj hitat vrećice, škatule i flaše,

okol od pijače ostavlati čaše!

Takove su regule, dobro to znaj,

sako smetje nosi nazaj!

.

.                                     

R U K S A KitIuWk

 Gdo v planinu hoće iti

zna kaj mora v ruksaku biti!

Se razme za pojesti i popiti

al bez nekih stvari bormeš si vriti!

Za presleči si nekaj zemi,

a bogme i protiv kiše,

samo gleč da nebu sega previše!

Z bedastočama v ruksaku

na sprtom se teško diše!

 

.

 

FRdp1T Š Č A P I

Če nećeš baš, ne moraš ih imati,

Al ščapi će ti snagu dati!

I kad se pentraš

I kad ideš pod breg,

A fakat su dobri

Če je led il sneg!

A da ne velim za situacije gadne,

Na priliku – da te kača napadne!

 

TEKST : Darko Matić
ILUSTRACIJE : Rok